रायगढ़, प्रधानमंत्री आवास योजना (ग्रामीण) आज देश के लाखों जरूरतमंद परिवार मन बर सिरिफ एक योजना भर नो हे, बल्कि एक सम्मानजनक अऊ सुरक्षित आशियाना के सपना साकार करे के माध्यम बन गे हे। सरगुजा जिला के उदयपुर विकासखंड अंतर्गत साल्ही ग्राम पंचायत के रहइया भीम सिंह के जीवन घलोक एयोजना ले बदल गए हे।
भीम सिंह अपन आठ मनखे के परिवार के संग कइ बछर तक एक कच्चा मकान म जीवन यापन करत रहिस। बरसात आतेच हर साल छत अऊ भिथिया मन के मरम्मत करना परत रहिस, फेर तेज बारिश म कच्चा घर टूट-फुट जात रहिस। कई पइत आधा रात के चूहत छांधी ले पानी चूहय अऊ लइका मन के नींद टूट जात रहिस। जहरीला सांप-बिच्छु मन के डर हमेशा बने रहय।
भीम सिंह के कइ बछर जुन्ना सपना रहिस के वो अपन लइका मन के मूड़ म पक्की छत दे सकय। ओखर ये सपना तब साकार होइस जब ओखर नाव प्रधानमंत्री आवास योजना (ग्रामीण) के सूची म आइस। वो ह शासन कोति ले मिले सहायता राशि के सदुपयोग करत अपन सपना के आशियाना तैयार कर लीस। आज ओखर मकान न सिरिफ वोखर परिवार ल सुरक्षा अऊ सम्मान देवत हे, बल्कि वो गांव के आन मनखे मन बर एक मॉडल घर बन गए हे।
वो ह बताइस के ए योजना ह न केवल ओ ल छत दीस, बल्कि डर अऊ असुरक्षा के जिंदगी ले मुक्ति देवाइस। आज ओखर पूरा परिवार सुरक्षित पक्का मकान म खुशी ले जीवन यापन करत हे। वो ह प्रधानमंत्री आवास योजना अऊ सरकार के जनकल्याणकारी सोच के प्रति आभार जतात कहिस, “हर कोनो के सपना होथे एक पक्का घर, सरकार ह हमार जइसे जरूरतमंद मन के ये सपना पूरा कर देहे हे।“ राज्य सरकार अऊ जिला प्रशासन के सरलग उदीम ले जिला के सुदूरवर्ती ग्राम तक ये योजना पहुंचत हे अऊ जरूरतमंद परिवार मन ल लाभ मिलत हे। भीम सिंह जइसे कई परिवार मन के जीवन म पीएम आवास योजना नवा रोशनी अऊ आत्मसम्मान लेके आवत हे।
साल्ही ग्राम पंचायत म तैयार होइस मॉडल पीएम आवास, आन गांव वाले मन ल घलोक मिलीस प्रोत्साहन
