कृषि मंत्री श्री रामविचार नेताम ह वैज्ञानिक अउ उन्नत तकनीक ल अपनाए बर करिस प्रेरित

जिला के किसान मन ल कृषि सम्बन्धी समस्या मन के समाधान के संग आधुनिक कृषि तकनीक के मिलत हे जानकारी
सरगुज़ा, कृषि मंत्री श्री रामविचार नेताम ह अपन सरगुज़ा जिला के दौरा के बेरा म विकासखण्ड उदयपुर के ग्राम उदयपुर म आयोजित विकसित कृषि संकल्प अभियान अंतर्गत आयोजित कार्यक्रम म सामिल होइन। उमन उपस्थित किसान मन ल बताइन के ए अभियान के मुख्य उद्देश्य किसान मन ल वैज्ञानिक खेती, सरकार के प्रमुख योजना, उन्नत कृषि यंत्र के उपयोग, प्राकृतिक खेती के प्रति जागरूक करना हे। उमन किसान मन ल रासायनिक खेती ले होवइया नुकसान के बारे म बताइन अउ खेती म जल के उचित उपयोग करे बर सुझाव दीन। किसान मन ले खरीफ 2025 के तैयारी के संबंध चर्चा करत उमन कहिन के कृषि म वैज्ञानिक तरीका अऊ उन्नत तकनीक ल अपनावव। कोनो प्रकार के समस्या होए म उपस्थित अधिकारी अउ वैज्ञानिक मन ले सलाह लेवव। कार्यक्रम म उपस्थित अम्बिकापुर विधायक श्री राजेश अग्रवाल ह घलव  विकसित कृषि संकल्प अभियान के फायदा बतात किसान मन ले जादा ले जादा संख्या म कार्यक्रम म सामिल होए के अपील करिन। ए बेरा म कृषि मंत्री श्री नेताम ह किसान मन ल बीज तको बांटिन।
ए बेरा म किसान मन ल वैज्ञानिक मन के संग किसान मन के खरीफ संबधी समस्या मन के समाधान के संगेच कृषि के आधुनिक तकनीक जइसे ड्रोन ले यूरिया अउ कीटनाशक के छिड़काव, मृदा स्वास्थ्य कार्ड के लाभ, उन्नत किस्म ले जादा उत्पादन, समन्वित कृषि कार्यक्रम, उर्वरक के समुचित मात्रा म उपयोग के जानकारी देहे गीस। खरीफ सीजन के विशेष तैयारी अऊ फसल विविधीकरण के तरीका किसान मन ल सिखाए गीस अउ उत्पादकता बढ़ाए के उपाय मन उपर विस्तार से मार्गदर्शन देहे गीस। उहें उन्नत नस्ल के पशुपालन अउ मत्स्य म घलोक प्रशिक्षण देहे गीस। कार्यक्रम म कृषि विभाग के उपसंचालक श्री पी.एस. दीवान, कृषि वैज्ञानिक श्री सुरुज प्रकाश गुप्ता संग विभागीय अधिकारी अउ कृषक उपस्थित रहिन।