उत्तर बस्तर कांकेर : मेरी कहानी मेरी जुबानी जलजीवन मिशन के तहत लक्ष्मी के घर पहुंचिस स्वच्छ पेयजल

उत्तर बस्तर कांकेर, 24 दिसम्बर 2023। ’विकसित भारत संकल्प यात्रा’ के अंतर्गत जिला के कांकेर विकासखंड के गांव तेलावट म शिविर आयोजित करे गीस, जिहां ’मेरी कहानी मेरी ज़ुबानी’ के संग जलजीवन मिशन अंतर्गत लाभान्वित हितग्राही श्रीमती लक्ष्मी चिराम ह बताइस कि पहिली घर के नजदीक पेयजल के कोनो साधन नइ रहिस अऊ पीए के पानी बर ओ ल दूरिहा जाना परत रहिस। एखर सेती समय अ श्रम घलोक जादा लगत रहिस अऊ पानी लाय म आन परेशानी के घलव सामना करना परत रहिस। जब ले घर म जलजीवन मिशन के तहत नल कनेक्शन लगे हे, तबले ओ ल पीए के स्वच्छ पानी बर भटकना नइ परय। अब घरे म भिनसरहा अऊ संझा साफ पेयजल मिलथे, जेखर से समय अउ श्रम के बचत घलोक होथे। श्रीमती लक्ष्मी चिराम अब घरे म पेयजल मिले म बहुत खुश हे। वो ह एखर बर केन्द्र सरकार अऊ ये योजना के प्रति आभार प्रकट करिस।