मोबाइल म मैसेज के बजीस घंटी, पूरा हो गे मोदी के गारंटी: महतारी वंदन योजना

रायपुर, 11 मार्च 2024। अपन बैंक के खाता खोलवाए के बाद हर दिन कुछ रुपिया बचत करे अऊ खाता म जमा करे के सोचइया लता आज खुश हे…दरअसल वोखर खुशी अइसनहे नइ हे…ये खुसी के पीछू हे..जेकर बर वो वो बिकट अगोरा करत रहिस कि कब वोखर मोबाइल म मैसेज के घण्टी बजय त वोला भरोसा होवय कि अब बचत के जुगत लगात समय नइ कटय भलगक मोदी के गारंटी के तहत हर महिना खाता म महतारी वंदन योजना के पइसा आए के गारंटी होही। कुछ अइसनहेच विश्वास द्वासा बाई, कैलाश बाई अऊ सुकृता, यामिनी कश्यप के घलोक हे के मोदी के गारंटी के तहत हर महीना एक हजार रुपिया ऊंखर खाता म आही,ए रकम ले उंखर जरूरी जरूरत मन के पूर्ति होही।
देश के प्रधानमंत्री श्री नरेन्द्र मोदी ह छत्तीसगढ़ म महतारी वंदन योजना के शुरुआत करत सबो पात्र महिला मन के खाता म ऑनलाइन राशि भेजे ले महिला मन म न सिरिफ उत्साह के माहौल हे,भलुक आर्थिक रूप ले मजबूत होए अऊ सम्मान अउ आत्मविश्वास के नवा आशा घलोक जागे हे। कटघोरा ब्लॉक के ग्राम कसाइपाली के सुकृता बाई अऊ यामिनी कश्यप ह बताइस कि उमन अपन आवेदन जमा करे रहिन,तब ले खाता म पइसा आए के अगोरा करत रहिन। आज प्रधानमंत्री ह सबो के खाता म पइसा भेजे हे। ये एक हजार के राशि हमर बहुत काम आही। उमन बताइन कि घर मे छोट-मोट जरूरत बर घलोक ललुवाए ल परत रहिस, ऐन बखत म कोनो नइ रहे म उधारी मांगे तक के नौबत आ जाथे,अब जबकि महतारी वंदन योजना ले हर महिना पइसा मिलही त निश्चित ही ये रकम खाता म जमा होत रइही अऊ हमला जब जरूरत होही,हम पइसा निकाल लेंबो।