मोहला, कलेक्टर मोहला-मानपुर-अम्बागढ़ चौकी श्री एस जयवर्धन ले आज कलेक्टोरेट सभाकक्ष म प्रगतिशील किसान मोहनलाल निषाद ह भेंट करिस अऊ ओ मन ल कलिन्दर भेंट करिस। कलेक्टर श्री जयवर्धन ह खेती के एकदम नवा तकनीक के उपयोग करके खेती करे बर ओ ल हार्दिक बधाई अउ शुभकामना दीन। उमन कहिन कि आगू घलोक अइसनहे शासन के योजना मन ले लाभ लेत रहव अऊ दूसर किसान मन ल घलोक प्रोत्साहित करव।
जानबा हे कि ग्राम देवरसुर निवासी किसान मोहन लाल निषाद ह मल्चिंग विधि ले अपन खेत म व्यापक पैमाना म अच्छा गुणवत्ता के तरबूज लगाए हे। वो ह अपन खेत म सब्जी अउ मौसमी फल के उत्पादन करके हर बछर 4-5 लाख रूपिया के कमाई करत हे। शासन के सुराजी गांव योजना अऊ कृषि, उद्यानिकी अऊ आन विभाग मन ले लाभ लेत समृद्धि के दिशा म कदम बढ़ाए हे। उद्यानिकी विभाग ले पैक हाउस म 2 लाख रूपिया सब्सिडी मिले हे। उद्यानिकी विभाग कोति ले अलग-अलग साल म कृषि यंत्र म सब्सिडी घलोक देहे गए हे। जेखर से ओ ल सब्जी अऊ फल ल सुरक्षित रखे म आसानी होवत हे। वो ह बताइस कि अपन खेत म वर्मी कम्पोस्ट के बहुतायत उपयोग करत हे। वो ह ट्रेक्टर बिसा डरे हे अऊ एक लाख रूपिया के लागत ले प्रिजर्वेशन यूनिट सोलर ड्रायर बिसाए हे। जिला के किसान आधुनिक तकनीक के परयोग करके खेती किसानी करत हे। जेखर से ओ मन ल मुनाफा होवत हे।
