मोहला: विकसित भारत संकल्प यात्रा शिविर बनिस मितान, नागरिक मन के समस्या मन के होवत हे निदान

मोहला 5 जनवरी 2024। विकसित भारत संकल्प यात्रा के अंतर्गत आज जिला के 8 ग्राम पंचायत मन म शिविर के आयोजन करे गीस। जिहां जिला अउ विकासखंड स्तर के अधिकारी मन ह शिविर म उपस्थित होकर नागरिकगण के समस्या ल सुनिन, उहें कई ठन योजना मन के अंतर्गत कई झन हितग्राही मन ल लाभान्वित करे गीस। विकसित भारत संकल्प यात्रा शिविर हितग्राही मन बर मितान बन गए हे, जेखर से उंखर समस्या मन के निदान होवत हे। शिविर म स्वास्थ्य परीक्षण, आधार अपडेशन, हितग्राहीमूलक योजना मन के जानकारी देहे जात हे। कई ठन योजना मन ले लाभान्वित हितग्राही मन ह मेरी जुबानी मेरी कहानी के माध्यम ले योजना ले मिले लाभ अऊ ऊंखर जीवन म आये बदलाव के संबंध म अपन बात रखत हें। एलसीडी प्रोजेक्टर वैन के माध्यम ले केंद्र सरकार के जनकल्याणकारी नीति, योजना मन, सेवा अऊ कार्यक्रम के जानकारी प्रदर्शित करे जात हे। माटी कहे पुकार के माध्यम ले स्कूली छात्र-छात्रा मन ह नाटक के माध्यम ले धरती के सुरक्षा करे अऊ जैविक खेती ल बढ़ावा देहे के प्रस्तुति देत हें। विकसित भारत संकल्प यात्रा अनेक अइसन हितग्राही जेन योजना मन के लाभ लेहे ले वंचित रहे हे, ऊंखर बर सार्थक साबित होवत हे। विकसित भारत संकल्प यात्रा शिविर एक मिसाल बने हे, जेन हितग्राही मन बर योजना मन के लाभ लेने बर मददगार साबित होवत हे।
विकसित भारत संकल्प यात्रा के अंतर्गत आज 5 जनवरी के 8 ग्राम पंचायत म शिविर के आयोजन करे गीस। विकास खंड अंबागढ़ चौकी के ग्राम पंचायत बिटाल अउ ग्राम पंचायत गौलीटोला म भिनसरहा 9 बजे ले अउ ग्राम पंचायत आमाटोला व ग्राम पंचायत पीपरखार म मंझनिया 2 बजे ले शिविर के आयोजन करे गीस। अइसनहे विकासखंड मानपुर के ग्राम पंचायत ढ़ोढऱी म 9 बजे ले अउ ग्राम पंचायत घोटिया म 2 बजे ले शिविर के आयोजन करे गीस। अइसनहे विकास खंड मोहला के ग्राम पंचायत कनेरी म 9 बजे ले अउर ग्राम पंचायत धोबेदंड म मंझनिया 2 बजे ले शिविर के आयोजन करे गीस।
शिविर म जिला अउ विकासखंड स्तर के अधिकारी उपस्थित रहि के हितग्राही मन ल कई ठन योजना मन ले लाभान्वित करिन। मोहला अंतर्गत आयोजित जनपद पंचायत के मुख्य कार्यपालन अधिकारी सुश्री कंचना वाल्दे, मानपुर अंतर्गत आयोजित शिविर म जनपद पंचायत के मुख्य कार्यपालन अधिकारी श्री मोहम्मद हनीश खान, अंबागढ़ चौकी म आयोजित शिविर म जनपद पंचायत के मुख्य कार्यपालन अधिकारी श्रीमती प्रियवंदा रामटेके संग जिला अउ विकासखंड स्तर के कई ठन विभाग मन के अधिकारीगण उपस्थित रहिन।