बेमेतरा जिला म पढई तुंहर पारा: मटका म मोहल्ला क्लास के आयोजन

बेमेतरा 15 सितम्‍बर 2020। कोरोना काल म शिक्षा विभाग के माध्यम ले चलाये जात ‘’पढ़ई तुंहर पारा‘’ के अंतर्गत विकासखंड बेमेतरा के ग्राम मटका म शास. पूर्व माध्यमिक शाला के लइका मन ल (मोहल्ला क्लास ) के माध्यम ले शिक्षा प्रदान करे जात हे। जेमा 15 लइका मन उपस्थित रहिन अऊ बाकी लइका मन ल घलोक कक्‍छा म आए बर बोले गीस। संगे संग हर साल जइसे काल शाला म हिंदी दिवस के आयोजन करे गीस, अऊ ये बेरा म पौधा मन के महत्ता उपर चर्चा करे गीस अऊ लइका मन ल बताए गीस के पेड़-पौधा हमार जीवन म कतका उपयोगी अऊ महत्वपूर्ण हे। संगेच लइका मन ल औषधीय पौधा मन के बारे म घलोक बताए गीस अऊ लइका मन के संग मिलके पौधा रोपण करे गीस। ये बेरा म लइका मन कोति ले कहानी, कविता तको प्रस्तुति करे गीस।