मझनिया के भोजन म परोसे गए रहिस हे, अम्मटहा कोचई अउ मखना, भाजी म लाल, चौलाई अउ पालक, परवल, मुनगा- बरी अउ पालक दाल
साहू परिवार के 24 झन सदस्य मन ह घर के दुआरी म टिका-आरती कर के पुष्प-गुच्छ ले मुख्यमंत्री के करिस आत्मीय स्वागत
रायपुर, नेहा राठौर के खबर/ मुख्यमंत्री श्री भूपेश बघेल अपने प्रदेशव्यापी भेंट-मुलाकात अभियान म आज रईपुर ग्रामीण विधानसभा अनतरगत कामरेड सुधीर मुखर्जी वार्ड क्रमांक 54 इस्थित श्री मोहन साहू के घर पहुंचिन। मुख्यमंत्री अपने भेंट-मुलाकात कार्यक्रम के बाद म श्री साहू के घर म भोजन ब गईन। मुख्यमंत्री के साहू के परिवार के मन ह घर के दुवारी म टिका-आरती करिस अउ फूल के गुलदसता अउ गउंछी भेंटकर के आत्मीय स्वागत करिस। ए अवसर म मुख्यमंत्री के संग रईपुर ग्रामीण विधायक श्री सत्यनारायण शर्मा, नगर निगम महापौर श्री एज़ाज़ ढेबर, जिला केंद्रीय सहकारी बैंक के अध्यक्ष श्री पंकज शर्मा मन ह उपस्थित रहिस हे।
मुख्यमंत्री ह साहू परिवार कोती ले सादगी के संग परोसे सुवादिस्ट छत्तीसगढ़ी भोजन के भरपूर सुवाद लिस।भोजन म अम्मटहा कोचई अउ मखना, भाजी म लाल, चौलाई अउ पालक, परवल, मुनगा- बरी अउ पालक दाल,सलाद अउ पापड़ परोसे रहिस हे। मुख्यमंत्री ह सुवादिस्ट छत्तीसगढ़ी भोजन ब श्री साहू अउ ओकर परिवार के मन ल उपहार भेंट कर के धन्यवाद दिस।श्री साहू ह कहिस के ओमन योजना के लाभ मिले हे अउ करजा माफी घलो म ओकर 01 लाख 50 हज़ार रुपिया के माफी होइस हे। श्री साहू ह मुख्यमंत्री ल किसान के मेहनत के हिसाब ले उत्पादन के सही मोल दिए ब धन्यवाद दिस हे। एकर संग म ही प्रति ईकड़ 20 क्विंटल धान खरीदी होए म खुशी जताइस हे, ओ ह कहिस हे किसान मन ल अवास म बिजली बिल हाफ अउ खेती म 7500 यूनिट तक कोई बिल नई आए म किसान मन ल अबड़ राहत मिलिस हे।
