बिलासपुर, मुख्यमंत्री श्री भूपेश बघेल के भेंट-मुलाकात कार्यक्रम सकरी तहसील के बहतराई गांव के मोहनी कौशिक बर वरदान साबित होए हे। मुख्यमंत्री के निर्देश म नान्हे मोहनी के अब शुगर के बीमारी के इलाज बने चलत हे।
जानबा हे कि मुख्यमंत्री श्री भूपेश बघेल भेंट-मुलाकात के संग प्रदेश के जनता ले रूबरू होवत हें अऊ ये बेरा म जनता के समस्या मन के निराकरण घलोक करत हें। तखतपुर विधानसभा के ग्राम खैरी म पाछू महिना 18 जनवरी के भेंट-मुलाकात कार्यक्रम म सकरी तहसील के बहतराई गांव के प्रमोद कौशिक ले करे गे वादा ल मुख्यमंत्री श्री भूपेश बघेल ह थोरकेच दिन म पूरा कर दीस। कौशिक ह अपन बेटी मोहनी कौशिक के पढ़ई अऊ मतबीयत म सहयोग करे खातिर मुख्यमंत्री ले अनुरोध करे रहिस। भेंट-मुलाकात कार्यक्रम के म जब मुख्यमंत्री श्री भूपेश बघेल शासकीय योजना मन के क्रियान्वयन के फीडबैक लेवत रहिन अऊ गांव वाले मन ले उंखर समस्या अऊ शिकायत मन के बारे म पूछताछ करत रहिन। ओ बेरा म कौशिक ह बताइस कि वोखर 10 बछर के बेटी ल शुगर के बीमारी हे। ये मां सरलग इंसुलिन लेहे के जरूरत परथे। वो ह बीमारी के इलाज म सहयोग के गुहार मुख्यमंत्री ले लगाए रहिस। मुख्यमंत्री श्री भूपेश बघेल ह ओ ल बेहतर इलाज करवाए के भरोसा देवाए रहिन। श्री बघेल ह मोहनी के समस्या ल गंभीरता ले लेत स्वास्थ्य विभाग के टीम ल उचित स्वास्थ्य सुविधा उपलब्ध कराए अउर बेहतर इलाज बर निर्देश दीन। मोहनी शुगर (टाईप-1 डायबिटीस मेलाईटस) बीमारी ले ग्रस्त हे। ये बीमारी म शुगर के मात्रा बढ़े ले नियमित रूप इंसुलिन के जरूरत परथे। तखतपुर आर.बी.एस.के. टीम ह मोहनी ल जिला अस्पताल के जिला शीघ्र हस्तक्षेप केंद्र (डी.ई.आई.से.) रिफर करिस। जिला अस्पताल अउ डी.ई.आई.सी. के टीम ह उपचार अउ परामर्श देत इंसुलिन उपलब्ध करावत हे।
मुख्यमंत्री के भेंट-मुलाकात, नान्हे मोहनी बर साबित होइस वरदान
