जीवन भर पानी बर संघर्ष करइया रेखा साहू के घर पहुंचिस शुद्ध पेयजल

अपन बहु-बेटी मन ल समझात हे पानी के महत्व
मोहला-मानपुर-अम्बागढ़ चौकी, जीवन के लगभग 50 बछर तक पानी ल लेके अड़बड़ संघर्ष करइया अऊ लंबा दूरी तय करके कुंवा अऊ बोरिंग ले घर तक पिए बर पानी लवइया श्रीमती रेखा देवी साहू ल अब जल जीवन मिशन के माध्यम ले घरे म शुद्ध पेयजल के सुविधा मिल गए हे। रेखा देवी जइसन मनखे ही घर तक शुद्ध पानी के पहुंचे के महत्व ल समझ सकत हे।
दू बेटा-बहू अऊ बेटी ले भरे पूरे परिवार के मुखिया मोहला-मानपुर-अम्बागढ़ चौकी जिला के ग्राम पंडरीतराई के रहवइया श्रीमती रेखा देवी साहू कहिथे के जीवन म बिना पानी के रोजमर्रा के कोनो काम संभव नइ हे। उमन अपन जीवन के एक लंबा समय पानी के समस्या के बीच बिताए हे, फेर आज जल जीवन मिशन के तहत घर म पेयजल पहुंचे ले वो बहुत खुश हे।
श्रीमती साहू घर म किराना दुकान के संचालन करथे, अऊ जीवन यापन बर खेती किसानी घलोक हे। फेर पानी के महत्व ल लेके ओखर नजरिया कुछ अऊ ही हे। पेयजल समस्या दूर होए के बाद पानी के उपयोगिता के प्रति वोखर सोच बेहद साफ हे। वो अपन बहु-बेटी मन ल समझात कहिथे के पानी अमूल्य हे, एला जादा व्यर्थ झन करव।
श्रीमती साहू जल जीवन मिशन के सराहना करत प्रधानमंत्री श्री नरेंद्र मोदी अऊ मुख्यमंत्री श्री विष्णु देव साय ल धन्यवाद देवत हे।