मोहला मानपुर अंबागढ़ चौकी, मुख्यमंत्री श्री भूपेश बघेल ह आज मोहला मानपुर अंबागढ़ चौकी जिला के खुज्जी विधानसभा क्षेत्र अंतर्गत भेंट मुलाकात कार्यक्रम म अंबागढ़ चौकी म स्वामी आत्मानंद इंग्लिश मीडियम स्कूल के लोकार्पण करिन। मुख्यमंत्री श्री बघेल के इहां पहुंचे म स्कूली छात्र छात्रा मन ह उत्साह ले स्वागत करिन। लइका मन ह कई प्रकार के परिधान अऊ भेषभूषा म लबरेज होके स्वागत करिन। मुख्यमंत्री ह स्कूल म स्थापित संसाधन अऊ सुविधा मन के मुआयना करिन। मुख्यमंत्री ह कक्षा नवमी के 97 छात्रा म ल मुख्यमंत्री सरस्वती साइकल योजना के तहत साईकल तको बांटिन। मुख्यमंत्री के हाथ साईंकल पाके छात्रा मन अड़बड़ उत्साहित अऊ खुश नजर आईन। मुख्यमंत्री ह छात्र छात्रा मन ल अपन आशीर्वाद अऊ संदेश देवत कहिन कि लगन अऊ मन ले पढ़ाई करव। छात्र जीवन ही पूरा जीवन के आधारशिला होथे।
मुख्यमंत्री ह अंबागढ़ चौकी म करिन स्वामी आत्मानंद इंग्लिश मीडियम स्कूल के लोकार्पण
