मंगोलिया के नर्तक दल पहुंसि राजधानी

रायपुर, मंगोलिया के नर्तक दल आज राजधानी रायपुर पहुंच गे। ये दल स्थानीय साइंस कॉलेज मैदान म 01 ले 03 नवंबर तक चलइया राष्ट्रीय आदिवासी नृत्य महोत्सव म अपन नृत्य शैली के छटा बगराही।
टीम लीडर श्री एंखबोल्ड टुमूरबातर ह बताइस कि हम अपन कला अऊ संस्कृति ले छत्तीसगढ़ के मनखे मन के संग ही भारत के कई ठन राज्य अऊ आन विदेशी मेहमान मन के दिल म जरूर जगा बनाए म सफल होबोन। ये महोत्सव म मंगोलिया के सांस्कृतिक प्रतिनिधि के रूप म भाग लेवइ हम सब बर गौरव के बात हे। उमन बताइन कि ऊंखर दल म 10 सदस्य हे जेमां 5 महिला अऊ 5 पुरुष सामिल हे।