महारानी अस्पताल म मोनिका प्रत्युष त्रिपाठी ल आजे होइस पुत्री रत्न के प्राप्ति
जगदलपुर, 01 अगस्त 2024। अपन बस्तर दउरा के बेरा म जेन समय मुख्यमंत्री श्री विष्णु देव साय महारानी अस्पताल पहुंचिन। उही समय कोंडगांव के मोनिका त्रिपाठी ल पुत्री रत्न के प्राप्ति होइस। मुख्यमंत्री ल एखर जानकारी मिलीस त मुख्यमंत्री बिटिया ल आशीर्वाद देहे पहुंचिन। मुख्यमंत्री ह कहिन कि ये बहुत शुभ घड़ी हे। बिटिया के दर्शन होए हे। मुख्यमंत्री ह बिटिया ल अपन हाथ म लेके दुलारिन। आशीर्वाद देवत पांच सौ रुपिया के राशि भेंट करिन। उमन बिटिया के पिता प्रत्युष त्रिपाठी ल घलोक बहुत बधाई दीन। उमन कहिन कि आप के घर लक्ष्मी आए हे आप मन ल बहुत बधाई। प्रत्युष त्रिपाठी ह कहिस के बिटिया ल मुख्यमंत्री के आशीर्वाद मिल गे, ये वोखर बिटिया बर सबले बड़े निधि हे।