कोरबा, 22 जुलाई 2020। दर्री डिस्टीब्यूशन के तिर एक बेंदरा 11kv के चपेट म आये ले झुलसगे. ओखर बाद आवारा कुकुर ह बेंदरा उपर हमला कर दिस जब तक लोगन मन के नजर पड़तिस कुकुर ह ओला नोच डालिस. घटना के सूचना लोगन मन ह वन विभाग ल दिस. वन विभाग के टीम मउका म पहुंचिस लेकिन तब तक बेंदरा के मउत हो चुके रिहिस. बेंदरा के मउत के बाद वन विभाग ह बेंदरा के पोस्टमार्टम कराइस. ओखर बाद बस्तीवासी मन ह फैसला लिस कि बेंदरा हनुमान जी के दूसरा रूप हे ओखर अंतिम संस्कार हिन्दू विधि-विधान ले करे जाही. बेंदरा के शव ल ले जाये बर लोगन मन ह पहली लाल कपड़ा लाइस. ओखर बाद नारियल अउ अगरबत्ती ले पूजा अर्चना कर ओखर शव यात्रा निकाल के विधि विधान ले कफन दफन करे गिस.
कुकुर के हमला ले बेंदरा के मउत, लोगन मन ह हनुमान के रूप मान के निकालिस शव यात्रा
