गौरेला-पेण्ड्रा-मरवाही, ग्रामीण क्षेत्र मन म लइका मन ल सहज-सरल तरीका ले शिक्षा देहे खातिर प्रारंभिक भाखा शिक्षण ‘मोरा आखर‘ कार्यक्रम संचालित करे जात हे। ये कार्यक्रम के शुभारंभ मुख्यमंत्री श्री भूपेश बघेल ह गौरेला-पेण्ड्रा-मरवाही जिला म भेंट-मुलाकात कार्यक्रम के समय 5 जुलाई 2022 के करे रहिन। ये कार्यक्रम यूनिसेफ अऊ रूम-टू-रीड संस्था के सहयोग ले चलाए जात हे। गौरेला-पेण्ड्रा-मरवाही जिला म कलेक्टर के विशेष प्रयास ले 299 स्कूल मन म पुस्तकालय स्थापित करे गए हे। कार्यक्रम के सफल क्रियान्वयन बर 21 ले 24 सितमबर तक चार दिन के मास्टर ट्रेनर के कार्यशाला आयोजित करे गीस।
मास्टर ट्रेनर्स कार्यशाला अलग-अलग तिथि म डाइट पेण्ड्रा अऊ परियोजना प्रशासक कार्यालय गौरेला म आयोजित करे गीस। ये कार्यक्रम म यूनिसेफ कोति ले तकनीकी सहयोग देहे जात हे। कार्यशाला म यूनिसेफ अऊ रुम-टू-रीड संस्था के शिक्षा विशेषज्ञ मन प्रशिक्षण दीन। प्रशिक्षित मास्टर ट्रेनर्स गौरेला अऊ पेण्ड्रा के प्राथमिक शाला के शिक्षक मन ल प्रशिक्षित करत हें। कार्यशाला म जिला अऊ विकासखंड के अधिकारी घलोक उपस्थित रहिन।
मोर आखर उपर कार्यशाला : 299 स्कूल मन म पुस्तकालय स्थापित
