छत्तीसगढ़ देश के पहिली राज्य, जिहां मोबाइल एप के संग मिलही विद्युत संबंधी सेवा मन के लाभ

मुख्यमंत्री ह ‘‘मोर बिजली एप’’ के नये फीचर्स के करिस शुभारंभ
मोर बिजली मोबाईल एप ले कई मिलही सुविधा: घरेलू विद्युत उपभोक्ता मन ल बिजली बिल हाफ योजना के मिलही जानकारी

रायपुर, 06 अक्‍टूबर 2020। छत्तीसगढ़ विद्युत वितरण कम्पनी के मोर बिजली एप के संग विद्युत सेवा सहजता ले उपभोक्ता मन ल उपलब्‍ध होही। विद्युत संबंधी कई काम येकर ले आसानी ले घर बइठे करे जा सकही। उपभोक्ता मन ल बिजली संबंधी काम बर अब दफ्तर के चक्कर लगाय के जरूरत नइ होही। एखर से श्रम, समय अऊ पइसा के बचत होही। उपभोक्ता मन बर उंखर मोबाइल ही बिजली दफ्तर बन जाही। ये सुविधा के लाभ लेहे बर उपभोक्ता मन ल गूगल एप म जा के मोर बिजली एप ल डाउन लोड करके रजिस्ट्रेशन करना होही। ये एप के माध्यम ले बिजली बंद के शिकायत, बिजली बिल भुगतान जइसे कई सुविधा ऑनलाइन मिलही।