’मोर गांव, मोर पानी‘ महाभियान ले जल संरक्षण ल मिलीस नवा दिशा

जन सहयोग बनिस स्थायी जल सुरक्षा के आधारशिला
सूरजपुर, जल संकट ले स्थायी निजात दिलाने अउ भू-जल स्तर ल बढ़ाए के उद्देश्य ले मोर गांव, मोर पानी महाभियान के तहत व्यापक जल संरक्षण के काम करे जात हे। वर्षा ऋतु के पहिली नाला मन के सफाई करके जल प्रवाह ल सुचारू करे गए हे जेखर से जलभराव अउ जलजनित रोग मन के समस्या म कमी आए हे। पर्यावरण संरक्षण ल दृष्टिगत रखत पंचायत भवन, विद्यालय परिसर, सड़क अउ खाली जघा मन म स्थानीय प्रजाति जइसे नीम, पीपल, करंज अउ बांस के पौधा मन के वृक्षारोपण करे गए हे। भू-जल स्तर म वृद्धि अउ मिट्टी कटाव के समस्या उपर नियंत्रण जइसे सकारात्मक परिणाम अब स्पष्ट रूप ले आगू आए लगे हे, जेखर से ये महाभियान जिला के जल सुरक्षा बर मील के पत्थर सिद्ध होवत हे।
जिला प्रशासन के मार्गदर्शन म महाअभियान के शुभारंभ करके एला प्रभावशाली ढंग ले क्रियान्वित करे जात हे। जिला अउ जनपद स्तर म सीईओ ल नोडल अधिकारी नियुक्त कर, ब्लॉक रिसोर्स पर्सन के चयन करे गीस अउ मैदानी अमला मन ल ग्राम, जनपद अउ जिला स्तर म प्रशिक्षण प्रदान करे गीस। सूरजपुर जिला म ए महाअभियान म 64 नाला मन के सर्वे करे गीस, जेमां 18 मॉडल नाला मन के चयन करके क्षेत्रवार कार्य योजना बनाय गए हे। पार्टिसिपेट्री रूरल अप्रैज़ल पद्धति ले गांव मन म प्राकृतिक संसाधन प्रबंधन योजना तैयार करके ओला ग्राम पंचायत विकास योजना म समाहित करे गीस अउ शासन के कई ठन योजना मन ले जोड़े गीस। मनरेगा के श्रम बजट म समाहित करके रोजगार सृजन करत काम मन के स्वीकृति ’सिक्योर’ पोर्टल के माध्यम ले दे गइस। ए महाभियान के तहत कंटूर ट्रेंच 55, वृक्षारोपण 34 स्थल, गली प्लग 2520, लूज बोल्डर चेक डेम 855, कूप 12, गैबियन स्ट्रक्चर 43, अंडरग्राउंड डाइक 20, फार्म पोंड 1289, मिट्टी बांध 67, चेक डेम 09 अउ अमृत सरोवर 28 कुल 4932  संरचना मन के निर्माण करे जात हे, जेकर उद्देश्य बरसात म बोहा के व्यर्थ जवइया जल ल संरक्षित करके भू-जल स्तर ल बढ़ाना हे।