रायपुर, 14 जून 2020। प्रदेश म कोरोना के मामला थमें के नाम नई लेवत हे. रोज कोरोना मरीज मन के आंकड़ा तेजी ले बढ़त जावत हे. शनिवार संझा तक पॉजीटिव मरीज मन के आंकड़ा 67 म रहिस वो रतिहा होवत-होवत 105 म पहुंचगे. एम्स ह ट्वीट करके जानकारी दीस कि देर रात 38 नवा मरीज मन के पहिचान करे गिस. नवा मरीज मिले हे ओमा राजधानी रायपुर ले 11, महासमुंद ले 8, दुर्ग जिला ले 6, राजनांदगांव ले 4, बलौदाबाजार ले 4, जांजगीर-चांपा ले 3, बेमेतरा अउ धमतरी ले 1-1 नवा मरीज आगु आये हे. ये नवा मरीज मन के संग प्रदेश म कुल संक्रमित मरीज मन के संख्या 1550 होगे हे. कुल एक्टिव मरीज मन के संख्या बढ़ के 913 होगे हे. जोन म 637 लोग मन स्वस्थ होके घर लहुट चुके हे. जबकि कोरोना ले प्रदेश म अब तक 6 लोग मन के मउत हो चुके हे.
छत्तीसगढ़ म कोरोना के एक ही दिन म सौ ले जादा मरीज मिलिस, एक्टिव केस के संख्या 913 होइस
