पोषण महिना के समय राज्य म एक करोड़ ले जादा हितग्राही होइन सामिल

रायपुर, 3 अकटूबर 2020। मुख्यमंत्री श्री भूपेश बघेल के निर्देशन म प्रदेश म महिला अऊ बाल विकास मंत्री श्रीमती अनिला भेंड़िया के मार्गदर्शन म पोषण महिना 1 सितंबर ले 30 सितंबर 2020 तक आयोजित करे गीस। ये दौरान राज्य के सबो गांव मन म पोषण ले संबंधित कई ठन गतिविधि आयोजित करे गीस। पोषण महिना के समय पंचायत राज्य संस्था मन अऊ नगरीय निकाय के प्रतिनिधि मन ह घलोक अपन सक्रिय भीगीदारी निभाईन।

महिला अऊ बाल विकास विभाग कोति ले पोषण महिना के समय आयोजित करे गए गतिविधि मन के संबंध म जानकारी देहे गए हे के ये मां करीब एक करोड़ एक लाख 56 हजार 534 हितग्राही मन सामिल होइन। ये मा 24 लाख 4 हजार 687 पुरूष, 40 लाख 10 हजार 725 महिला, 17 लाख 29 हजार 754 बालक अऊ 18 लाख 58 हजार 191 बालिका मन सामिल होइन। पोषण महिना के समय राज्य भर म पोषण ले संबंधित 70 लाख 66 हजार ले जादा गतिविधि आयोजित करे गीस। राज्य म सुपोषण रथ ले एसएएम अऊ एमएएम लइका मन के पहिचान स्तनपान ल बढ़ाए अऊ पोषण वाटिका अऊ किचन गार्डन ल अपनाए बर मनखे मन म जागरूकता लाय बर विशेष प्रयास करे गीस। ये दौरान कोविड-19 के बचाव अऊ रोकथाम के सबो दिशा निर्देश मन के पालन करे गीस। पोषण महिना के समय विशेष प्रचार अभियान के समय रोजेच प्रचार-प्रसार मुनादी, दीवार लेखन अऊ सोशल मीडिया म पोषण महिना ल सफल बनाए बर मनखे मन के सक्रिय सहयोग ले गीस।