मुख्यमंत्री श्री भूपेश बघेल 17 अकटूबर के राजीव गांधी किसान न्याय योजना, राजीव गांधी ग्रामीण भूमिहीन कृषि मजदूर न्याय योजना अऊ गोधन न्याय योजना के राशि के करहीं भुगतान
मुख्यमंत्री ह गोधन न्याय योजना के हितग्राही मन के खाता म 8.13 करोड़ रूपिया के करिन ऑनलाईन अंतरण
गोबर विक्रेता मन ल अब तक 170 करोड़ रूपिया ले जादा राशि के भुगतान
मुख्यमंत्री ह किसान मन ले करिन पैरादान के अपील
रायपुर, मुख्यमंत्री श्री बघेल ह आज इहां अपन निवास कार्यालय म गोधन न्याय योजना के हितग्राही मन के खाता म 8 करोड़ 13 लाख रूपिया के राशि के ऑनलाईन अंतरण करत ये जानकारी दीन। ये राशि म ले गोबर बेचइया पशुपालक, गांव वाले मन ल 5.34 करोड़ रुपए के राशि, गौठान समिति मन ल 1.69 करोड़ अऊ महिला स्व सहायता समूह मन ल 1.11 करोड़ रूपिया के लाभांश राशि वितरित करे गीस। गोबर विक्रेता मन ल आज भुगतान करे गए राशि ल मिलाके गोबर खरीदी के एवज म अब तक 170.34 करोड़ रूपिया के भुगतान करे जा चुके हे।
ये बेरा म गृह मंत्री श्री ताम्रध्वज साहू, कृषि मंत्री श्री रविन्द्र चौबे, नगरीय प्रशासन मंत्री डॉ. शिव कुमार डहरिया, मुख्यमंत्री के सलाहकार श्री प्रदीप शर्मा, मुख्यमंत्री के सचिव डॉ. एस. भारतीदासन, कृषि विभाग के विशेष सचिव डॉ. अय्याज एफ. तम्बोली, मिशन संचालक राज्य ग्रामीण आजीविका मिशन श्री अवनीश शरण, संचालक पशुधन श्रीमती चंदन संजय त्रिपाठी, कृषि विभाग के उप सचिव सुश्री तूलिका प्रजापति घलोक उपस्थित रहिन।
मुख्यमंत्री ह स्वामी आत्मानंद ल उंखर जयंती म करिन नमन
रायपुर, मुख्यमंत्री श्री भूपेश बघेल ह आज इहां अपन निवास कार्यालय म समाज सुधारक अऊ शिक्षाविद् स्वामी आत्मानन्द जी के जयंती के अवसर म ऊंखर फोटू म फूल चढ़ा के ओ मन ल नमन करिन। ये बेरा म गृह मंत्री श्री ताम्रध्वज साहू, कृषि मंत्री श्री रविन्द्र चौबे, नगरीय प्रशासन मंत्री डॉ. शिव कुमार डहरिया अऊ मुख्यमंत्री के सलाहकार श्री प्रदीप शर्मा घलोक उपस्थित रहिन ।