#MorHareli प्रोफ़ाइल फोटो फ्रेम जारी
रायपुर, किसान मन के लोक-परम्परा के संग छत्तीसगढ़ के संस्कृति ले जुड़े ‘हरेली तिहार’ ये पइत 28 जुलाई के हे। राज्य शासन कोति ले ये पइत घलोक हरेली तिहार ल राज्य स्तर म व्यापक स्वरूप म मनाए के निर्णय लेहे गए हे।
‘हरेली’ छत्तीसगढ़ के प्रमुख परब ये जे ह आधुनिकता के संग लुप्तप्राय होवत रहिस। पाछू तीन बछर ले ये तिहार ल पूरा गरिमा अऊ लोक-परंपरा के मुताबिक मनाए जात हे। छत्तीसगढ़ी अस्मिता के पुनरुत्थान के नायक मुख्यमंत्री श्री भूपेश बघेल के नेतृत्व म छत्तीसगढ़ के संस्कृति ले प्रेम करइया हर छत्तीसगढ़ी नागरिक के उदीम के फल ये के अब युवा पीढ़ी घलोक ये तिहार के महत्व समझत हे अऊ ये म गरब महसूस करत हे।
हरेली ल युवा मन के बीच अऊ लोकप्रिय बनाए अऊ एखर से जुड़े मान्यता मन ले जन-मानस ल रूबरू कराए के उद्देश्य ले मनखे मन ले हरेली ले जुड़े फोटू, वीडियो #MorHareli हैशटैग के संग शेयर करे के अपील करे गए हे।
ये सम्बंध म #MorHareli प्रोफ़ाइल फोटो फ्रेम घलोक जारी करे गए हे, जारी करे गए कड़ी twb.nz/morhareli म जाके आप मन अपन खुद के #MorHareli प्रोफ़ाइल फोटो तियार करके जमो सोशल मीडिया प्लैटफार्म म #MorHareli हैशटैग के संग साझा कर सक हव।
