रायपुर, 05 जून 2020। प्रदेश म कोरोना के मामला रोज तेजी ले बढ़त जावत हे. गुरुवार के प्रदेश म सबले अधिक संक्रमित मरीज आगु आये हे. गुरुवार के कुल 93 नवा मरीज मन के पहिचान करे गे हे.
जोन 93 नवा मरीज मन के पहिचान करे गे. ओमा ले जिला महासमुंद ले जशपुर ले 19-19, बिलासपुर ले 17, जांजगीर ले 09, रायपुर अउ राजनांदगांव ले 06-06, रायगढ़ ले 05, कबीरधाम ले 04, बलौदाबाजार अउ गरियाबंद ले 03-03, सूरजपुर ले 02 मरीज हे.
ये नवा मरीज मन के संग ही प्रदेश म कुल 17 कोरोना पीड़ित मरीज मन के स्वस्थ होय के पश्चात उमन ल डिस्चार्ज करे गे हे. जोन मन ठीक होय हे ओमा मेडिकल कॉलेज रायगढ़ ले 05 (जिला रायगढ़ ले 04 अउ जशपुर ले 01), मेडिकल कॉलेज अस्पताल अंबिकापुर ले 09 (जिला कोरिया ले 02, सरगुजा ले 02 अउ बलरामपुर ले 05), कोविड अस्पताल बिलासपुर ले 03 (जिला बिलासपुर). सामिल हे
एखर संग ही अब प्रदेश म कोरोना संक्रमित मन के संख्या 773 होगे हे. अब प्रदेश म कुल एक्टिव मरीज मन के संख्या 565 हे, वहीं 206 मरीज पूरा तरह ले स्वस्थ होके अपन घर लहुट चुके हे. जबकि 3 लोग मन के अब तक मउत हो चुके हे. जोन म ले एक मरीज रायपुर के रहिस, एक महिला भिलाई के अउ बिलासपुर के एक 9 साल के लड़की, जेखर मउत के बाद कोरोना होय के पुष्टि होय रहिस. हालांकि सरकारी आंकड़ा म 2 ही बताए जावत हे.
आज कुल 93 नए कोरोना पाॅजिटिव मरीजों की पहचान की गई।कुल एक्टिव मरीज़ों की संख्या 565 है। #ChhattisgarhFightsCorona @TS_SinghDeo @ChhattisgarhCMO @Niharikaspeaks pic.twitter.com/QECwPWPthA
— Health Department CG (@HealthCgGov) June 4, 2020
