रायगढ़, राज्य परियोजना कार्यालय पूरा शिक्षा के हुकुम के मुताबिक लइका मन म मूलभूत अऊ बुनियादी साक्षरता के विकास अउ सुने के कौशलता म पारंगत बनाए के उद्देश्य ले अंतरराष्ट्रीय मातृभाषा दिवस 22 फरवरी 2022 के रायगढ़ जिला के सबो प्राथमिक खण्ड म कहानी उत्सव के आयोजन करे गीस। कहानी सुनाए खातिर स्थानीय समुदाय के सियान मन ल आमंत्रित करे गीस, जेमां सबो मन अपन-अपन स्थानीय भाषा/ मातृभाषा म लइका मन ल मनोरंजक, प्रेरक कहानी सुनाइन। कहानी उत्सव मनाए के प्रमुख उद्देश्य लइका मन म सुने अऊ सुनके अपन भाखा मे लिखे के कौशल के विकास करना हे।
सियान मन ह महतारी भाखा म कहानी सुनाके स्कूली लइका मन ल करिन प्रेरित
