जांजगीर चांपा, 19 अक्टूबर 2020। विवाहिता ह अपन छ: महिना के लइका ल नदीया म फेंक के खुद ल आग के हवाला कर दिस। घटना जांजगीर थाना क्षेत्र के बिरगहनी गांव के हरे। पुलिस अउ डायल 112 के टीम ह सूचना मिलत पीड़िता ल जिला अस्पताल म भर्ती कराय हे। गंभीर हालत ल देखत हुए बिलासपुर रिफर कर देहे। पुलिस ह बतइस कि विवाहिता ह अपन छ: महिना के लइका ल हसदेव नदीया म फेंक दिस। एखर बाद खुद ल आग के हवाला कर दिस। गोताखोर के टीम लइका के तलाश हसदेव नदीया म करत हे। विवाहिता के पिता ह बतइस कि दुनों के बीच विवाद के वजह ले विवाहिता 8 दिन ले मइके म रहत रिहिस। ओहा परेशान रहत रिहिस।
महतारी ह छ: महिना के लइका ल नदीया म फेंकिस, खुद ल करिस आग के हवाला
