नारायणपुर, जिला म महतारी वंदन योजना महिला मन के जीवन म खुसी लेके आए हे। ए योजना के तहत हर महीना महिला मन के खाता म अवइया एक हजार रुपिया ह ऊंखर आत्मविश्वास ल बढ़ाए हे अऊ उ मन ल आर्थिक रूप ले सशक्त बनाय हे।
योजना के तहत मिलइया राशि के उपयोग महिला मन घर के छोट-छोट जरूरत मन ल पूरा करे, लइका मन के पढ़ाई म मदद करे, या फेर अपन खुद के छोटे-मोटे व्यवसाय शुरू करे म करत हें। ए योजना ह महिला मन ल घर के फैसला लेहे म घलोक बनेच आत्मविश्वास देहे हे। कई महिला मन ए राशि के उपयोग अपन लइका मन ल अच्छा स्कूल म पढ़ाए बर करत हें, त कुछ महिला मन छोटे-मोटे व्यवसाय शुरू करके आत्मनिर्भर बने के सपना पूरा करत हें।
प्रधानमंत्री नरेंद्र मोदी अऊ मुख्यमंत्री विष्णु देव साय ह महिला सशक्तिकरण बर कई योजना शुरू करे हे। महतारी वंदन योजना घलोक इही योजना मन म ले एक हे। सरकार के मानना हे कि महिला मन ल सशक्त बनाके ही देश के बने विकास हो सकत हे। जिला के हजारों महिला मन ए योजना ले अड़बड़ खुश हे। ओ मन ए योजना बर प्रधानमंत्री अऊ मुख्यमंत्री ल धन्यवाद देवत हें। महतारी वंदन योजना न केवल महिला मन के जीवन म खुशि लावत हे भलुक ओ मन ल आत्मनिर्भर घलोक बनावत हे। ये योजना महिला सशक्तिकरण के दिशा म एक महत्वपूर्ण कदम हे।
योजना के मुख्य बिंदु
लाभार्थी: विवाहित महिलाएं
राशि: प्रति महिना 1000 रुपये
उद्देश्य: महिलाओं ल आत्मनिर्भर बनाना
लाभ: घर के जरूरतें पूरा करना, लइका मन के शिक्षा, स्वरोजगार
