जैविक खेती करे बर मनखे मन ल करत हें प्रेरित
धमतरी, जिला के ग्रीन आर्मी के महिला मन ह अब तक 34 टन पैरा ट्रेक्टर-ट्राली म गौठान मन तक पहुंचाए हें। एखर बर उमन सामुहिक रूप ले श्रमदान करके एक मिसाल कायम करे हें, जेखर से गांव वाले मन के बीच पैरादान बर सकारात्मक भाव विकसित होए हे। एखर अलावा ये महिला मन खेत मन म उपज क्षमता बढ़ाए बर मनखे मन ल जैविक खेती करे बर घलोक प्रेरित करत हें। महिला मन के ये श्रमदान ले जिहां गौठान मन म पैरा जमा होए म गौवंश ल चारा मिलत हे, उहें गांव वाले मन ल जैविक खेती के जानकारी घलोक मिलत हे। जिला के ग्राम बोरिदखुर्द म 06 ट्राली, गिरौलाडीह, बूढ़ाराव भानपुरी म 5-5 ट्राली, कसावाही म दो ट्राली अऊ लोहारपथरा, गातापार क, पचपेड़ी, गाड़ाडीह, लिखमा, बरबांधा, दुगली म एक-एक ट्राली पैरा जमा करे गए हे। शासन के महत्ती सुराजी गांव योजना म अब तक करे गौठान निर्माण म दूसर चरण म गौठान मन म पैरादान बर गांव वाले मन म उत्साह देखतेच बनत हे।