महासमुंद, 21 जुलाई 2024। मुख्यमंत्री श्री विष्णुदेव साय के हुकुम म जिला प्रशासन कोति ले दू दिव्यांग ल बैटरी चलित मोटराइज्ड ट्राई सायकिल उपलब्ध कराय गीस। बैटरी चलित ट्राई सायकिल पाके दिव्यांग टिकेश्वर अऊ गौरी ह मुख्यमंत्री श्री साय अऊ जिला प्रशासन के आभार जताए हे।
महासमुंद जिला के पिथौरा विकासखण्ड के ग्राम अठारहगुड़ी के रहइया 34 वर्षीय दिव्यांग श्री टिकेश्वर पटेल अऊ ग्राम रेमडा निवासी 30 वर्षीय गौरी खंडेल कलेक्टर श्री प्रभात मलिक के हाथ ट्राई साइकिल पाके अड़बड़ खुश हें। दुनों दिव्यांग ल पहिली आए-जाए बर परिजन या कोनो मनखे के सहारा लेना परत रहिस। मोटराईज्ड ट्रायसायकल मिल जाय ले अब ओ मन ल गांव या गांव ले बाहिर आए-जाए म आसानी होही। दिव्यांग टिकेश्वर पटेल ह बताइस कि अब ओ मन ल अपन व्यवसाय के संग आर्थिक स्थिति म अऊ सुधार करे के मौका मिलही। अइसनहे गौरी खंडेल ह कहिस के मोटराइज्ड ट्राई साइकिल मिले ले मोला अपन पांव म खड़ा होए के अवसर मिले हे।
समाज कल्याण विभाग के उप संचालक श्रीमती संगीता सिंह ह बताइस कि दुनों 80 प्रतिशत ले जादा दिव्यांग हे, ते पाए के ऑटोमेटिक ट्राई साइकिल समाज कल्याण विभाग कोति ले देहे गए हे। ताकि ओ मन अपन रोजमर्रा के काम सरलता ले कर सकंय अउ स्व रोजगार ले अपन जीवन यापन कर सकंय।
