धमतरी जिला कलेक्टर ह दिव्यांगनजन मन ल बांटिन मोटराईज्ड ट्रायसायकल अऊ सहायक उपकरण

धमतरी 17 सितंबर 2020। धमतरी जिला म कलेक्टर श्री जय प्रकाश मौर्य ह आज दिव्यांग हितग्राही मन ल मोटराईज्ड ट्रायसाकल अऊ सहायक उपकरण बांटिन। उप संचालक, समाज कल्याण ले मिले जानकारी के मुताबिक कलेक्टोरेट परिसर म आज भिनसरहा कलेक्टर ह धमतरी तहसील के ग्राम कोलियारी के सुश्री कुन्ती साहू, कुरूद के ग्राम कातलबोड़ के श्री जेठूराम साहू अऊ ग्राम अछोटी के श्री लुकेश दास ल मोटराईज्ड ट्रायसायकल बांटिन। अइसनहे कुरूद के ग्राम कठौली के श्री कुशल राम ल मोटराईज्ड ट्रायसायकल अऊ बैशाखी अऊ धमतरी के ग्राम भोयना के श्री कमलेश कुमार ल ट्रायसायकल अऊ सोरम के श्री श्याम लाल साहू ल श्रवण यंत्र वितरित करिन।