रइपुर, 03 अप्रैल 2021 शनिच्चर। मुख्यमंत्री दाउ भूपेश बघेल ह बीजापुर-सुकमा जिला के सीमा म सुकमा जिला के जगरगुंडा थाना क्षेत्र के जोनागुड़ा गांव के तीरन सुरक्षा बल अउ नक्सली मुठभेड़ म 5 जवान मन के शहादत म गहिरी दुख प्रकट करीन। दाउ बघेल हं शहीद मन के परिजन मन के प्रति संवेदना प्रकट करत कहीन कि सुरक्षा बल मन के शहादत गारद नइ जावय। हमार जवान मन ह शौर्य के परिचय देवत नक्सली मन ल तको भारी नुकसान पहुंचायए हे। नक्सली मन के विरूद्ध सुरक्षा बल ले अउ जोरदरहा अभियान चलाइंगे। मुख्यमंत्री ह ये घटना म घायल जवान मन ल ढंगलगहा इलाज के सुविधा उपलब्ध कराए के निर्देश देहे हावयं।
उल्लेखनीय हवय कि सुरक्षा बल अउ नक्सली मन के बीच मुठभेड़ म 5 जवान शहीद अउ 12 जवान घायल होय हावय। एक झिन माइलोगन नक्सली के शव बरामद करे गे हे। शहीद जवान मन म कोबरा बटालियन ले 01, बस्तरिया बटालियन ले 2 अउ डीआरजी के 2 जवान शामिल हे। तीन घंटा ले अधिक समे तक चले मुठभेड़ म नक्सली मन ल तको भारी नुकसान होय हावय।
