मुख्यमंत्री दाउ भूपेश बघेल ह भक्त माता कर्मा जयंती के प्रदेशवासी मन ल दीन शुभकामना

रइपुर, 06 अप्रैल 2021 मंगलवार । मुख्यमंत्री दाउ भूपेश बघेल ह 7 अप्रैल के भक्त माता कर्मा जयंती के प्रदेशवासी मन ल बधई अउ शुभकामना दीन हे। मुख्यमंत्री ह अपन संदेश म कही हवय कि छत्तीसगढ़ म साहू समाज के संगे —संग कतकोन अकन समाज मन डाहर ले भक्त माता कर्मा जयंती के परब बड़ उछाह अउ श्रद्धा के संग मनाये जाथे। माता कर्मा हमर सबो बर अपन आशीर्वाद बनाय रखयं। कोरोना संकट के परिस्थिति ल धियान म रखत प्रदेशवासी मन ले ये आग्रह हेवय कि कर्मा जयंती के परब कोरोना काल के सावधानी मन ल धियान म रखके मनावयं। मुख्यमंत्री ह ये बेरा म भक्त माता कर्मा ले जम्मो झिन बर बने स्वास्थ्य के कामना करीन हे।