मुख्यमंत्री दाउ भूपेश बघेल ह बड़का पत्रकार श्री अरूण कुमार बंछोर के निधन म गहिरी दुख प्रकट करीन

रइपुर, 01 अप्रैल 2021 बिरस्पत। मुख्यमंत्री दाउ भूपेश बघेल ह वरिष्ठ बड़का श्री अरूण कुमार बंछोर के निधन म गहिरी दुख प्रकट करीन हे। श्री अरूण कुमार बंछोर के आज बिहिनिया एम्स रइपुर म निधन हो गइस। वोमन 53 बछर के रिहिने। स्वर्गीय श्री अरूण कुमार बंछोर के फेफड़ा म दिक्कत होए के सेति पहिलीच ले एक ठो निजी अस्पताल म इलाज चल रिहिस हे । तेकर पीछू उन मन ल एम्स रइपुर म भर्ती कराए गेहे रिहिसे। मुख्यमंत्री ह ईश्वर ले स्वर्गीय श्री अरूण कुमार बंछोर के परिवारजन मन ल दुख के अइसन बेरा म संबल प्रदान करे अउ दिवंगत आत्मा के शांति बर प्रार्थना करीन हे । स्वर्गीय श्री अरूण कुमार बंछोर दैनिक अमृत संदेश, सन स्टार अउ राष्ट्रीय मेल हिन्दी अखबार मन म सेवा ​देहे रिहिन हावय।