मुख्यमंत्री दाउ भूपेश बघेल के विशेष पहल म कनेरा म लउहे होही फूडपार्क के स्थापना

रइपुर 27 मार्च 2021 शनिच्चर । मुख्यमंत्री दाउ भूपेश बघेल के विशेष पहल म प्रदेश के जम्मो विकासखण्ड मन म औद्योगिक फूडपार्क के स्थापना करे के प्रक्रिया शुरू हो गे हे । एकर ले जिहां स्थानीय मनखे मन ल रोजगार मिलही उहेंचे क्षेत्र के विकास ल तको गति मिलही। राज्य सरकार कोति ले जम्मो विकासखण्ड मन म औद्योगिक फूडपार्क स्थापित करइया महत्वाकांक्षी योजना नारायणपुर जिला म फलीभूत होवत हावय । कनेरा म लगभग 200 करोड़ रूपए के लागत ले स्थापित होवइया फूडपार्क के स्थापना ले 500 ले जादा स्थानीय मनखे मन ल रोजगार उपलब्ध होही ।
अबूझमाड़ जहसन पिछवाए क्षेत्र मन म औद्योगिक फूडपार्क के स्थापना क्षेत्र के विकास म मील के पथरा साबित होही।
कनेरा म प्रस्तावित औद्योगिक फूडपार्क म अरवां राईस मिल, उसना राईस मिल, कोल्ड स्टोरेज, मुरमुरा मिल, मसाला निर्माण, नमकीन निर्माण, फास्ट फूड, अमली प्रोसेसिंग अउ पल्स निर्माण, अमली स्टार्च (पाउडर), तिखुर प्रोसेसिंग, लघु धान्य उत्पाद के प्रोसेसिंग, आचार निर्माण (इमली, आम, मिर्च चटनी), चिप्स अउ पापड़ निर्माण, ऑयल मिल (टोरा शीड्स), कोदो अउ रागी प्रोसेसिंग यूनिट, अमचूर निर्माण (आमा अउ पताल पाउडर), डेयरी प्रोडक्ट, बेकरी प्रोडक्ट आदि लगभग 15 सूक्ष्म-लघु उद्योग मन के स्थापना करे जाही ।