चेतन बाई ह करजा माफी अऊ न्याय योजना के लाभ उठाके मिले पईसा ले बिसाईस मुख्यमंत्री बाहरा

सारंगढ़-बिलाईगढ़, मुख्यमंत्री श्री भूपेश बघेल के किसान हितैषी योजना मन के गांव वाले मन के बीच स्वीकार्यता अऊ लोकप्रियता के ये आलम हे कि एक ग्रामीण महिला ह करजा माफी ले बांचे पइसा अऊ राजीव गांधी किसान न्याय योजना ले मिले राशि ले खेती बर जमीन के छोटकुन टुकड़ा बिसाईस अऊ ओखर नामकरण ’मुख्यमंत्री बाहरा’ याने ’मुख्यमंत्री खेत’ कर दीस। मुख्यमंत्री ह आज बिलाईगढ़ म प्रेसवार्ता म ये वाकया के जिक्र करत बताइन कि भेंट-मुलाकात के समय सरसींवा म ग्रामीण महिला चेतन बाई ह बताइस के करजा माफी ले मिले लाभ अऊ राजीव गांधी किसान न्याय योजना ले मिले पइसा ले 32 डिसमिल जमीन बिसाए हंव, जेखर नाम मै ह मुख्यमंत्री बाहरा (खेत) रखे हंव। मुख्यमंत्री ह कहिन कि ये खुशी के बात हे कि मनखे मन ल राज्य सरकार के योजना मन के लाभ मिलत हे।
जानबा हे कि मंगलवार के बलौदाबाजार जिला के अंतर्गत बिलाईगढ़ विधानसभा के ग्राम सरसींवा म आयोजित भेंट-मुलाकात कार्यक्रम म चेतन बाई महिलांग ह मुख्यमंत्री ल बताइस के ये सरकार छोटे लइका मन ले लेके सियान मन तक के चिंता करत हे। आज तक अइसन मुख्यमंत्री नइ देखेंव जेन ह सबो के ध्यान रखय। चेतन बाई ह बताइस कि ओखर 01 लाख 56 हजार रूपिया के करजा माफ होय हे, पइसा बांचे हे अऊ अकतहा आय घलोक होए हे। ओ ल राजीव गांधी किसान न्याय योजना म 03 लाख 42 हजार रूपिया के राशि मिले हे। बचत के पइसा अऊ ये राशि ले 32 डिसमिल जमीन बिसाए हे, जेखर नाम मैं ह ’’मुख्यमंत्री बाहरा’’ (खेत) रखे हंव।