रइपुर, 13 अप्रैल 2021 मंगल। ।मुख्यमंत्री दाउ भूपेश बघेल ह भारत के संविधान निर्माता, समाज सुधारक अउ स्वतंत्र भारत के प्रथम विधि एवं न्याय मंत्री भारतरत्न डॉ. भीमराव अम्बेडकर ल 14 अप्रैल के उन्कर जयंती म नमन करीन हे।
दाउ बघेल ह कहीन हे कि बाबा साहब डॉ. भीमराव अम्बेडकर ह भारतीय संविधान तियार करे म केन्द्रीय भूमिका निभावत सम्पूर्ण प्रभुत्व संपन्न गणराज्य के नींव रखे म अपन महत्वपूर्ण योगदान दीन। उन मन दलित मन के अधिकार बर अभियान चलाइन। दलित मन के संग उन मन मजदूर अउ माइलोगन मन के अधिकार के वकालत करीन अउ उन्कर उत्थान बर संविधान म कतकोन प्रावधान करीन। राज्य सरकार बाबा साहब के बताए मार्ग पर चलके समाज के कमजोर वर्ग के उत्थान बर कतकोन अकन काम करत हावय।
दाउ बघेल ह कहीन हे कि छत्तीसगढ़ संग पूरा देश म बाबा साहब के लाखों अनुयायी बाबा साहब के जन्मदिन उछाह अउ श्रद्धा से मनाथे । कोरोना वायरस (कोविड-19) के संक्रमण ल देखत घरेच म बाबा साहब के जन्मदिन मनावय । कोरोना संकट के स्थिति ल देखत प्रदेश के कइयो अकन जिला मन म लॉक डाउन लगाए गे हवय, जम्मो लोगन लॉक डाउन के पालन करैं, संगे —सग कोरोना संक्रमण ले बचाव के उपाय मन के पूरा
चेतलग अउ सावधानी के संग पालन करैं।
