रायपुर, मुख्यमंत्री दाई दीदी मोबाइल क्लीनिक मन के माध्यम ले अब तक राज्य म करीब एक हजार 475 कैम्प लगाए गए हे अऊ एखर से रायपुर, बिलासपुर अऊ भिलाई नगर निगम क्षेत्र के गरीब स्लम बस्ति मन म रहइया एक लाख नौ हजार 505 ले जादा महिला मन अऊ नोनी मन के ऊंखर घर तीर ही इलाज करे गए हे।
जानबा हे कि छत्तीसगढ़ शासन के नगरीय प्रशासन अऊ विकास विभाग कोति ले मुख्यमंत्री दाई-दीदी क्लिनिक योजना संचालित करे जात हे। योजना के तहत दाई-दीदी क्लिनिक के मोबाइल मेडिकल यूनिट के वाहन म महिला चिकित्सक अऊ स्टॉफ के टीम पहुंचथें अऊ जरूरतमंद महिला अऊ नोनी मन के कई प्रकार के बीमारी मन के निःशुल्क इलाज करथे। ए मोबाइल मेडिकल यूनिट ह 19 हजार 432 महिला मन के लैब टेस्ट करे हे अऊ एक लाख तीन हजार 864 महिला मन ल निःशुल्क दवई देहे हे। एखर से गरीब स्लम क्षेत्र म रहइया मेहनत मजदूरी करइया अइसन महिला मन जेन कई कारण ले अपन इलाज नइ करा पात रहिन। ओ मन ल इलाज के सुविधा घर तीर ही महिला चिकित्सक अऊ चिकित्सा स्टॉफ के माध्यम ले मिलत हे।
