अब तक 2,79,394 मनखे मन के करे गीस जांच अऊ उपचार
रक्तचाप, मधुमेह, सिकलसेल, एनीमिया, हीमोग्लोबिन, मलेरिया, टाईफाइड , खून के जांच करे गी अऊ मरीज मन ल निःशुल्क दवई देहे गीस
225 गंभीर मरीज मन ल करे गीस जिला अस्पताल रेफर
सूरजपुर, मुख्यमंत्री श्री भूपेश बघेल के महात्वाकांक्षी योजना मुख्यमंत्री हाट बाजार क्लिनिक योजना के जिला म संचालन करे जात हे। कलेक्टर सुश्री इफ्फत आरा के निर्देशन अऊ मुख्य चिकित्सा अऊ स्वास्थ्य अधिकारी डा. आर. एस. सिंह के मार्गदर्शन म मुख्यमंत्री हाट बाजार क्लिनिक योजना म जादा ले जादा मरीज मन ल स्वास्थ्य लाभ प्रदान करे जात हे।
जिला के दूरिहा गांव तक म ये योजना चलाए जात हे, ये अन्तर्गत जिला म अब तक कुल 279394 (दो लाख उनासी हजार तीन सौ चौरानवे) मनखे मन के जांच अऊ उपचार करे गए हे। ये योजना के शुरुवात म जिहां प्रति हाट बाजार 15 ले 20 मरीज मन ल लाभ मिलत रहिस उहें एखर प्रचार- प्रसार अऊ हाट बाजार क्लीनिक के सरलग संचालन ले अब ये 50 ले 60 मरीज तक पहुंच गए हे।
