- अब तक दिव्यांग हितग्राही मन ल इलेक्ट्रानिक उत्पाद के बिक्री ले 1 लाख 50 हजार रूपिया के मुनाफा होए हे
- युवा मन बनावत हें सरलग एल.ई.डी.बल्ब, इमरजेंसी लाईट, साउन्ड बक्सा, टी बलब
जशपुरनगर, गांव कोति के दिव्यांग युवा मन ल हुनरमंद बनाए बर मुख्यमंत्री कौशल विकास योजना के तहत एल.ई.डी. बलब बनाए के प्रशिक्षण देहे गए रहिस। ते पाए के आज उमन अपन मेहनत अऊ लगन ले स्वरोजगार ले जुड़ के आर्थिक लाभ कमावत हें। ए युवा मन जशपुर विकासखण्ड के गम्हरिया गौठान ले जुड़े स्व-सहायता समूह के महिला मन ल तको एल.ई.डी. बलब बनाए के प्रशिक्षण देवत हें। एकर ले महिला मन घलोक अकतहा आमदनी कमा के आत्मनिर्भर बन सकयं। जिला प्रशासन ह जिला के ये हुनरमंद युवा मन ल आगू बढ़ाए के सुग्घर काम करत हे।
कलेक्टर श्री रितेश कुमार के बताए रद्दा अउ जिला कौशल विकास विभाग के सहायक संचालक श्री प्रकाश यादव के दिशा-निर्देश म जिला के दिव्यांग युवा मन के चिन्हारी करके एल.ई.डी.बलब बनाए के काम ले जोड़े के अनूठा पहल करे गए हे। अभी हाल म मुख्यमंत्री कौशल विकास योजना अंतर्गत् प्रशिक्षित दिव्यांग हितग्राही अउ आन जिला के दिव्यांग हितग्राही ये काम ले जुड़के आर्थिक लाभ उठावत हें। जशपुरनगर म स्थित ऊंखर निर्माण केन्द्र म एल.ई.डी.बलब, इमरजेंसी लाइट, साउन्ड डब्बा, टी बलब आदि उत्पाद के सरलग निर्माण करे जात हे। भविष्य म हुरमंद दिव्यांग युवा मन बर अऊ नया उत्पाद मन ल बनाए के योजना तियार करे जात हे। ताकि जादा ले जादा मनखे मन तक ये उत्पाद पहुंच सकय। ये खातिर ww-digiabled-com के घलोक निर्माण करे गए हे संगेच छत्तीसगढ़ शासन के महत्वकांक्षी योजना सी मार्ट म घलोक ये इलेक्ट्रॉनिक उत्पाद उपलब्ध रइही। अब तक दिव्यांग हितग्राही मन 1 लाख 50 हजार रूपिया के इलेक्ट्रानिक उत्पाद के बिक्री करके लाभ लेहे हें।