- दंतेवाड़ा के बुधवार बाजार म मेडिकल टीम कोति ले मनखे मन के ईलाज शुरू
- स्थानीय मनखे मन ल पौष्टिक आहार प्रदान करे बर सरपंच, सचिव मन अऊ संबंधित विभागीय अधिकारी मन के होइस बैठक
रायपुर, मुख्यमंत्री श्री भूपेश बघेल ह प्रदेश के वन क्षेत्र मन के मनखे मन बर दू नवा योजना मन के घोषणा काल करे रहिन। जेखर दूसरेच दिन ए योजना मन उपर अमल शुरू हो गीस। आज दंतेवाड़ा म बुधवार के दिन आयोजित हाट-बाजार म डॉक्टर अऊ पैरामेडिकल के टीम पहुंचके बाजार म आए मनखे मन के स्वास्थ्य परीक्षण करके ओ मन ल जरूरी चिकित्सा सुविधा मुहैया करावत रहिन।
अइसनहे मुख्यमंत्री श्री भूपेश बघेल ह वनांचल क्षेत्र के मनखे मन ल पौष्टिक आहार प्रदान करे के घोषणा करे रहिन। जेकर उपर अमल करत आज इहां दंतेवाड़ा म ग्राम पंचायत मन के सरपंच, सचिव मन अऊ संबंधित विभागीय अधिकारी मन के बैठक लेके एखर संबंध म जरूरी दिशा-निर्देश देहे गीस।
