मुख्यमंत्री दाउ भूपेश बघेल ह नव संवत्सर, चैत्र नवरात्रि, बैसाखी, गुड़ी पड़वा अउ चेटीचंड के शुभकामनाएं दींन

रइपुर, 12 अप्रैल 2021 सम्मार। मुख्यमंत्री दाउ भूपेश बघेल ह प्रदेशवासी मन ल नव संवत्सर, चैत्र नवरात्रि, बैसाखी, गुड़ी पड़वा अउ चेटीचंड के हार्दिक बधाई अउ शुभकामना दींन हवयं । उन मन ये बेरा म जम्मो नागरिक मन बर सुख-समृद्धि अउ खुशहाली के कामना करीन हे। मुख्यमंत्री ह कहीन हे कि 13 अप्रैल ले हिन्दू नववर्ष नव संवत्सर अउ चैत्र नवरात्रि प्रारंभ होवत हावय, इहीच दिन बैसाखी, गुड़ी पड़वा अउ चेटीचंड के परब तको मनाय जाही। कोरोना संकट के बेरा म जम्मो लोगन घरेच म तिहार मनावयं अउ भीड़-भाड़ म जाए ले बांचै । उन मन कहीन कि कइयो ठिन जिला मन म लॉकडाउन लगाए गे हवय। सबो लोगन एकर कड़ई ले पालन करैं अउ घरे म ​रही के सबो के बने स्वास्थ्य के कामना करैं। कोरोना ले बचाव के सबो उपाय मन के सतर्कता ले पालन करैं।