गरियाबंद 26 अप्रैल 2021 सम्मार । गरियाबंद जिला के मैनपुर विकासखंड अंतर्गत ग्राम कुल्हाड़ीघाट के रहइया 92 बछर के बल्दी बाई के काली रात कन एंटीजन टेस्ट म कोविड पॉजिटिव रिपोर्ट आए रिहिस । एकर पहिली ओला सामान्य सर्दी बुखार के लक्षण दीखत रिहिसे। काली रातेच कन ओलां सामुदायिक स्वास्थ्य केंद्र मैनपुर म भर्ती करे रिहिने। जिंहा एंटीजन टेस्ट अउ प्रारंभिक उपचार के पीछू रातेच कुन कोविड अस्पताल गरियाबंद रिफर करे देहे गइस। कलेक्टर श्री निलेश क्षीरसागर के निर्देश म सीएमएचओ डॉ नवरत्न ह कोविड-19 के बने चिकित्सा बर उन ल रायपुर मेकाहारा रिफर करे गइसं। वर्तमान म उन्कर रइपुरे म उपचार चलत हे।
मुख्यमंत्री दाउ भूपेश बघेल के संज्ञान म आते ही उन मन बड़का डॉक्टर मन ल तुरते निर्देशित करीन कि बल्दी बाई ल बने ले बने चिकित्सा मिलना चाहीं। उन मन बल्दी बाई के स्वास्थ्य उपर चिकित्सक मन ल कड़ा नजर राखे के निर्देश दीन हे । मुख्यमंत्री ह बल्दी बाई के लउहे स्वस्थ होए के कामना करीन हे । फिलहाल उन्कर स्वास्थ्य स्थिर हावय। जानबा होवय कि ग्राम कुल्हाड़ीघाट म ही बल्दी बाई के घर पूर्व प्रधानमंत्री श्री राजीव गांधी आए रिहिने अउ उन्कर हाथ ले काँदा -मूर खाए रिहिने।
मुख्यमंत्री दाउ बघेल ह कोरोना पीड़ित बल्दी बाई के बने- बने उपचार करे बर दीन निर्देश
