मुख्यमंत्री सहायता कोष ले कोरोना संकमण के रोकथाम बर जीवनदीप समिति के माध्यम ले देहे गे राशि ल कलेक्टर स्वविवेक ले कर सकत हे उपयोग

रइपुर 17 अप्रैल 2021 शनिच्चर । मुख्यमंत्री दाउ भूपेश बघेल के दिशानिर्देश म मुख्यमंत्री सहायता कोष ले कोरोना संकमण के रोकथाम बर देहे जाए वाले राशि के स्वविवेक से उपयोग करे के सबो जिला कलेक्टर मन ल अनुमति प्रदान करे गे हवय ।

मुख्यमंत्री सचिवालय ले सबो कलेक्टर मन ल ये संबंध म चिट्ठी भे​ज के दिशानिर्देश देहे गे हवय । चिट्ठी म उल्लेखित हवय कि नोवेल कोरोना वायरस (कोविड-19) के संक्रमण के रोकथाम बर गंवई क्षेत्र मन म स्वास्थ्य विभाग के शासकीय अधोसंरचना ल विकसित करे बर जीवनदीप समिति मन के माध्यम ले मुख्यमंत्री सहायता कोष ले आबंटित राशि के उपयोग के अनुमति देहे गे हवय । प्रदेश म वर्तमान म नोवेल कोरोना वायरस (कोविड-19) महामारी के बाढ़त प्रकोप ल देखत जीवनदीप समिति मन के माध्यम ले आबंटित राशि के उपयोग के देहे गे अनुमति म शिथिलता प्रदान करत कोरोना महामारी
के रोकथाम बर जिला कलेक्टर मन ल उन्कर कोति ले अपन स्वविवेक ले मुख्यमंत्री सहायता कोष डाहर ले आबंटित राशि के उपयोग के अनुमति देहे जावत हे ।