मुख्यमंत्री ह दु झन महिला श्रमिक मन ल ई-रिक्शा के करिस वितरन

श्रम दिवस के अवसर म स्टॉल लगा के दिए गईस योजना के जानकारी
रायपुर,  नेहा राठौर के खबर/ अंतर्राष्ट्रीय श्रमिक दिवस के मउका म मुख्यमंत्री श्री भूपेश बघेल ह आज रायपुर के साइंस कॉलेज मैदान म दु झन महिला हितग्राहि ल ई-रिक्शा वितरित करिस, जेन मन श्रीमती राधिका देवांगन लाखे नगर अऊ श्रीमती वैष्णवी सिंदूर हवय । निर्माण श्रमिक ई रिक्शा सहायता योजना के तहत निर्माण महिला श्रमिक मन ल ए रिक्शा प्रदान करे गईस हे। ए योजना म एक लाख रुपिया के अनुदान हवय।
साइंस कॉलेज मैदान म श्रम विभाग कोती ले प्रदर्शनी लगाए गए हे एमा मुख्यमंत्री श्रमिक सहायता योजना, औद्योगिक स्वास्थ्य एवं सुरक्षा छत्तीसगढ़, छत्तीसगढ़ श्रम कल्याण मंडल, छत्तीसगढ़ असंगठित कर्मकार राज्य समाजिक सुरक्षा मंडल अउ छत्तीसगढ़ भवन एवं अन्य सन्निर्माण कर्मकार कल्याण मंडल के कोती ले स्टॉल लगाए गए रहीस हे। एकर जरिए श्रमिक मन के हित म चलाए जाए वाले योजना अउ कार्यक्रम के जानकारी दीर गईस।