घर बईठे मिलत हे जरूरी दस्तावेज
बिलासपुर म 6791 लोगब के घर मितान मन ह पहुंचइस हे सरकारी दस्तावेज
टोल फ्री नंबर 14545 म कॉल कर के सुविधा के लिये जा सकत हे फइदा
रायपुर, नेहा राठौर के खबर/ मुख्यमंत्री श्री भूपेश बघेल ह 1 मई 2022 क बिलासपुर समेत प्रदेश म चालू करे रहिस हे श ‘‘मुख्यमंत्री मितान योजना’’ के फयदा प्रदेश समेत सबो बिलासपुरवासि मन ल तको मिलत हे। बिलासपुर निगम समेत प्रदेश के सबो 14 नगर निगम क्षेत्र मन म ए योजना ल लागू करे गए हे। घर बईठे बइठे मितान योजना ले मिलत सुविधा ले लोगन मन ल अबड़ अराम मिलत हे। मितान योजना म अभी तक ले 6 हजार 791 लोगन मन ह ए सेवा के लाभ लेवत हे।
एकर ब टोल फ्री नंबर 14545 म फोन करके अप्वाईंटमेंट बुक करे ब लगही। तेकर गए ले मितान ह घर आके प्रमाण पत्र ब जरूरी कागजात लेके जाथे अउ प्रमाण पत्र तियार होए गए ले घर अमरा देथे। ए योजना ले लोगन मन ल अबड़ सुबिधा मिलत हे अउ सरकारी कागज पाथा दस्तावेज के मिले ले ओमन खुश हो जाथ हे।
नगर निगम बिलासपुर के कतियापारा निवासी श्रीमती नेहा भोई ह अपन बिहाव के गए ले विवाह प्रमाण पत्र बनवाए ब मितान करा संपर्क करिस। ओ ह बतइस के उंखर प्रमाण पत्र मितान ह घर म लाके दे दिहीस। सरकण्डा के श्री अर्पित चौहान ह अपन भांचा के जनम प्रमाण पत्र ब मुख्यमंत्री मितान योजना के लाभ लिहिस। श्री चौहान ह ए योजना ब शासन ल धन्यवाद दीहिस अउ बतइस के मुख्यमंत्री मितान योजना के चालू होए ले समय अउ पईसा दूनो के बचत होवत हे।
मितान योजना ले मिलत हे 16 प्रकार के सेवा –
मुख्यमंत्री मितान योजना म 16 प्रकार के सेवा दीए जाथे। वर्तमान म जन्म प्रमाण पत्र, जन्म प्रमाण पत्र म सुधार, मृत्यु प्रमाण पत्र, मृत्यु प्रमाण पत्र म सुधार, मूल निवास प्रमाण पत्र, विवाह पंजीयन अउ प्रमाण पत्र, आय प्रमाण पत्र, अन्य पिछड़ा वर्ग प्रमाण पत्र, अनुसूचित जाति, अनुसूचित जनजाति प्रमाण पत्र, दुकान अउ स्थापना पंजीकरण संबंधी दस्तावेज, भूमि के रिकार्ड के नकल, भूमि सूचना (भूमि उपयोग), पांच बरस तक के लइका मन के आधार कार्ड पंजीकरण, आधार कार्ड म नाम, पता अउ मोबाईल नंबर म सुधार, पेन कार्ड, पेन अपडेट अउ डुप्लीकेट के सुविधाएं दीए जाथ हे।
अइसे लिए जा सकत हे लाभ –
मुख्यमंत्री मितान योजना के लाभ लिए ब आवेदक ल टोल फ्री नंबर 14545 म फोन करे ब लागथे अउ अप्वाईंटमेंट बुक करे जाथे।तेकर गए ले आवेदक ल बुकिंग के जानकारी के संग एक ठ मोबइल म एसएमएस मिलथे।
तेकर ले जेन समय अउ तारीख दिए रहि ओ दिन मितान ह आवेदक के घर आके जरूरी दस्तावेज ल लेगथे। प्रमाण पत्र जारी होए के गए ले मितान ह प्रमाण पत्र ल आवेदक के घर पहुँचा दिए जाथे।
