मुख्यमंत्री दाउ भूपेश बघेल ले स्वीडन दूतावास के उप मिशन प्रमुख ह करीन मुलाकात

रइपुर, 27 मार्च 2021 शनिच्खचर। मुख्यमंत्री दाउ भूपेश बघेल ले आज उन्कर घरू कार्यालय म स्वीडन दूतावास के उप मिशन प्रमुख (डिप्टी हेड ऑफ मिशन) श्री गौतम भट्टाचार्य ह सौजन्य मुलाकात करीन । उन्मन मुख्यमंत्री संग स्वास्थ्य, उद्योग अउ वन के संगे —संग कतकोन अकन क्षेत्र म छत्तीसगढ़ अउ स्वीडन के मध्य परस्पर सहयोग के संभावना मन उपर विचार-विमर्श करीन । मुख्यमंत्री ह छत्तीसगढ़ के प्रवास म आए श्री भट्टाचार्य के शॉल अउ प्रतीक चिन्ह भेंटकरके स्वागत करीन।
चर्चा के दौरान श्री भट्टाचार्य ह छत्तीसगढ़ म गरीब लइका मन बर संचालित स्वामी आत्मानंद अंग्रेजी माध्यम स्कूल योजना, सुराजी गांव योजना के अंतर्गत विकसित करे जावत दैहान । गौठान । अउ उद्योग मन ल पलौंदी देहे के संग छत्तीसगढ़ सरकार कोति ले शुरू करे गेहे कतको अकन योजना मन ल सहिराइस ।
मुख्यमंत्री दाउ बघेल ह शिक्षा, स्वास्थ्य, ग्रामीण अर्थव्यवस्था ल पोठ करे, वनोपज अउ खनिज संपदा म वेल्यू एडीशन, महिला स्व-सहायता समूह मन ल आत्मनिर्भर बनाए बर संचालित करे जावत राज्य सरकार के योजना अउ नवा उद्योग नीति के उन्मन ल फोरिया के जानकारी दीन। मुख्यमंत्री ह स्वीडन डाहर ले छत्तीसगढ़ संग कतको अकन क्षेत्र मन म करे जावत सहयोग के पहल के स्वागत करत कहीन कि एकर बर राज्य सरकार कोति ले पूरा सहयोग देहे जाही ।