मुख्यमंत्री राहत कोष म अधिकारी-कर्मचारी मन के वेतन ले एक दिन के राशि काटे के संबंध म दिशा-निर्देश जारी

रइपुर, 23 अप्रैल 2021 शुकवार । कोविड-19 ले प्रभावित प्रदेश के जरूरतमंद लोगन मन के सहायता बर मुख्यमंत्री राहत कोष म स्वेच्छा से योगदान बर अधिकारी-कर्मचारी मन के चालू महीना अप्रैल के वेतन ले एक दिन के राशि काटे के संबंध म वित्त विभाग कोति ले दिशा-निर्देश जारी करे गे हवय ।
ये संबंध म वित्त विभाग कोति ले 22 अप्रैल के मंत्रालय ले सबो अपर मुख्य सचिव, प्रमुख सचिव, सचिव, अध्यक्ष राजस्व मण्डल, विभागाध्यक्ष, बजट नियंत्रण अधिकारी, जम्मो कार्यालय प्रमुख, आहरण संवितरण अधिकारी अउ कोषालय अधिकारी मन ल परिपत्र जारी करे गे हवय ।
परिपत्र म कहे गे हवय कि मुख्यमंत्री कोति ले कोविड-19 ले प्रभावित प्रदेश के जरूरतमंद लोगन मन के सहायता बर 13 अप्रैल 2021 के शासकीय अधिकारी ं-कर्मचारी मन ले मुख्यमंत्री सहायता कोष म अंश दान देहे के अपील करे हे । इही कड़ी म राज्य के आईएएस एसोसिएशन, राज्य प्रशासनिक सेवा के सदस्य, राजपत्रित अधिकारी संघ अउ आने कइयो अकन संगठन मन कोति ले अधिकारी ं-कर्मचारी मन के अप्रैल महीना के वेतन म ले एक दिन के वेतन के कटौती करत मुख्यमंत्री सहायता कोष म जमा कराए के अनुरोध करे गे हवय ।