रायपुर, 21 अगस्त 2020। मुख्यमंत्री श्री भूपेश बघेल अऊ राज्यपाल सुश्री अनुसुईया उइके ह गणेश चतुर्थी के पावन अवसर म आम जनता ल शुभकामना देहे हें।
मुख्यमंत्री श्री भूपेश बघेल ह विघ्नहर्ता भगवान गणेश ले ए अवसर म प्रदेश के सुख, समृद्धि अऊ खुशहाली के प्रार्थना करे हें। मुख्यमंत्री ह अपन संदेश म कहे हें के छत्तीसगढ़ म घलोक भगवान गणेश के आराधना के ये परब पूरा धूमधाम ले मनाया जाथे। स्वतंत्रता संग्राम सेनानी स्वर्गीय श्री बाल गंगाधर तिलक ह स्वतंत्रता संग्राम के बेरा म राष्ट्रीय चेतना जागृत करे अऊ मनखे मन ल एकता के सूत्र म बांधे बर येला शुरू करे रहिन। ओ सार्वजनिक गणेश उत्सव अब सामाजिक समरसता के अनूठा उदाहरण बन गए हे। श्री बघेल ह कहे हें के ए साल पूरा विश्व कोरोना संक्रमण ले लड़ई लड़त हे। एला ध्यान म रखत गणेश उत्सव के बेरा म सबो जरूरी सावधानी राखे जाय। उमन अपील करे हें के मनखे मन कोविड-19 के बचाव अऊ रोकथाम बर सबो नियम मन के कड़ाई ले पालन करयं।
राज्यपाल सुश्री अनुसुईया उइके तको ह गणेश चतुर्थी के पावन अवसर म प्रदेशवासी मन ल हार्दिक बधाई अऊ शुभकामना देहे हें। राज्यपाल सुश्री उइके ह अपन शुभकामना संदेश म कहे हें के भगवान श्री गणेश विघ्न-विनाशक अऊ ज्ञान अऊ बुद्धि के देवता ये। हरेक काम के शुभारंभ गणपति के पूजा के संग करे जाथे। राज्यपाल ह ए अवसर म प्रदेश के नागरिक मन के सुख-समृद्धि, शांति अऊ मंगलमय जीवन के कामना करे हें।
