रायपुर, 23 नवंबर 2020। सोनी टीवी म आने वाला लोकप्रिय शो इंडियाज बेस्ट डांसर के रविवार के फिनाले खत्म होइस। ए शो के खिताब डांसर अजय सिंह उर्फ टाइगर पॉप ह अपन नाम करिन। जबकि राजधानी रायपुर के मुकुल गाइन रनर- अप बनिस।
शो के वीनर के चुनाव जजेस के मार्क्स अउ पब्लिक वोटिंग के आधार म करे गिस। ए शो म रनर- अप बनके मुकुल ह प्रदेश के नाम रोशन करिन हे। बतादन कि इंडियाज बेस्ट डांसर शो म जज के तौर म मलाइका अरोरा, टेरेंस लुईस अउ गीता कपूर रिहिन। उहें, भारती सिंह अउ हर्ष लिम्बाचिया ह ए शो ल होस्ट करे रिहिस।
