- योजना के लाभ लेके टमाटर मने पताल के बनेच पैदावार लेवत हे
- टमाटर विक्रय ले ओ ल 1 लाख 60 हजार के हो गए हे लाभ
जशपुरनगर, योजना के लाभ लेवईया लाभान्वित किसान पत्थलगांव विकासखंड के ग्राम सुसडेगा निवासी श्री परदेशीराम पिता श्री टेंगना राम ह बताइस कि पाछू बछर ले उद्यान विभाग के मल्चिंग अउ ड्रिप योजना (टमाटर क्षेत्र विस्तार) के अनुदान के रूप म लाभ मिलीस। साल 2022 म वो ह अपन खेत म तरबूज के फसल लगाए रहिस अऊ अभी हाल म 0.250 हे. म टमाटर के फसल लगाए हे। उद्यान विभाग के मार्गदर्शन म उत्पादन बाढ़े हे अऊ परिवार के आय म दुगना बढोतरी हे। किसान ह बताइस कि ओ ह 800 ले 1000 रूपिया भार टमाटर बेचत हे अऊ वो 50 हजार लागत लगाके 1 लाख 60 हजार कमाए हे। वोकर कहना हे के में उद्यान विभाग ले हमेशा संपर्क म रहि के योजना मन के लाभ लेत रथंवं। जेखर से मोला नवा-नवा योजना मन के जानकारी मिलत रहिथे एखर बर वो ह मुख्यमंत्री ल धन्यवाद देहे हे।
