सिंचई के आधुनिक तरिका मल्चिंग सह ड्रिप तकनीक ले धनीराम ल मिलत हे लाभ

करेला, लउकी, मखना समेत अउ आने नगदी फसल ले अभी तक 1 लाख 50 हजार के हो गए हे कमई
रायपुर 05 जुलाई 2023
राज्य के किसान अब कृषि के क्षेत्र म नवा-नवा तरिका के इस्तेमाल करत हे। नवा तरीका ले करे गए खेती किसान मन ल बने मुनाफा घलो देवत हे।  ऐला देख के सरकार घलो अब किसान मन ल नवा तरीका ले खेती करे ब प्रोत्साहित करत हे। श्री धनीराम के खेत म करेला, लउकी, मखना समेत अउ आने फसल होवत हे। मल्चिंग खेती, ड्रिप सिंचई अउ बने देखभाल ले नगदी फसल ले बने कीमत मिलत हे। उमन ह अभी तक करेला अउ लउकी बेच के लगभग 1 लाख 50 हजार रुपिया के राशि अर्जित कर डारे हे।
दंतेवाड़ा जिला के घोटपाल गांव के रहोइया श्री धनीराम यादव आधुनिक पद्धति ले खेती कर बढ़िया मुनाफा कमात हे। ओ ह कछु अलग हट के करे के प्रयास करिस, परंपरागत खेती ल छोड़ के नवा तरीका अपनाइस अउ ओमा सफल घलो होइस। धनीराम ह मल्चिंग सह ड्रिप तकनीक ले साग सब्जि के खेती कर बढ़िया मुनाफा कमाइस अउ प्रगतिशील किसान मन के लिस्ट म अपन नाम दर्ज करवाइस।
धनिराम ह अपन खुद के भुइयां म उद्यानिकी विभाग ले प्रत्यक्ष लाभ हस्तांतरण नीति के माध्यम ले अनुदान प्राप्त कर क3 मल्चिंग सीट स्थापित करे हे। मल्चिंग विधि ल अपना ले नवा तकनीक ले खेती सुरू करिस। लगभग 1 हेक्टेयर क्षेत्र म सिंचई सुविधा के अनुरूप ड्रिप स्थापना कर उच्च तकनीक ले उद्यानिकी फसल के खेती करत हे। श्री धनीराम यादव के कहना हे कि मल्चिंग अउ ड्रिप स्थापना ले समय अउ मेहनत कम लागत हे। ए तकनीक अउ पैदावार ल देख के आस पास के किसान मन घलो बनेच प्रभावित होइस हे। मल्चिंग सीट, ड्रिप स्थापना अउ साग सब्जी उत्पादन ब कृषि विज्ञान केंद्र कती ले किसान मन के हउसला ल उड़ान देहे ब पूरा तरिका ले सहयोग करे जाथ हे। किसान ह उद्यानिकी फसल उत्पादन कर के अबड़ खुश है अउ ओकर जीवन शैली म बदलाव घलो होइस हे। नवा तकनीक अउ नवा सोच के संग खेती करे ले सुरुआत करके श्री धनीराम यादव आज दूसर मन ब मिसाल बन गये हे।
Sucess story
Neha Rathore