रइपुर, 20 अगस्त 2021 शुकवार। देश के पूर्व प्रधानमंत्री भारतरत्न स्वर्गीय श्री राजीव गांधी के जयंती म प्रदेश के मुख्यमंत्री दाउ भूपेश बघेल ह कलेक्टोरेट परिसर के तीर मल्टीलेवल पार्किंग के लोकार्पण करके आज राजधानी वासी मन ल नवा भेंट दीन हवय। रायपुर शहर म यातायात ल सु-व्यवस्थित करे बर, रायपुर स्मार्ट सिटी लिमिटेड ह शहर के दूसरइया मल्टीलेवल पार्किंग तियार करे हवय, जेमें 450 चार चकिया अउ 200 दू चकिया वाहन मन के पार्किंग बेवस्था हवय।
ये मल्टी लेवल पार्किंग 28 करोड़ रूपियाके लागत ले 17792 वर्ग मीटर क्षेत्र म स्प्रिंगनुमा आकार म न्यूनतम क्षेत्रफल के बरोबर उपयोग करके अधिकतम वाहन मन के पार्किंग व्यवस्था बर बनाए गे हवय। ये छैमंजिला परिसर के बने ले कलेक्टर कार्यालय, पुलिस अधीक्षक कार्यालय संग इहां कईयो आने शासकीय कार्यालय मन म अवइया नागरिक मन बर पार्किंग के सुविधा सुलभ होए ले यातायात सु-व्यवस्थित होही। एकर पहिली जय स्तंभ चौक म बने पहिली मल्टीलेवल पार्किंग के लोकार्पण तको फरवरी-2019 म मुख्यमंत्री दाउ बघेल के करकमल ले संपन्न होए हावय।
